Akontese iha salaun Reuniaun Gabinete Ministro MCIA
horseik lokraik dia 04 de Abril de 2016, komesa husi hora 14h30 to 17h30, apresentasaun
koná bá “Value Chain” ou Kadeia de Valor i “Business Incobator”, iha apresentasaun
ne’e marka prezensa kuaze Diretor, Assessor no Xefe Departamentu sira hotu iha
MCIA. Hanesan Apresentador au mesmu tempu hanesan mos moderador mak Assessor
Demétrio no Assessor Pedro.
Apresentasun ne’e hanesan kontinuasaun husi atividade
Treinamentu kona bá “Value Chain” oferese husi Ajensia Kooperasaun Internasional
GIZ nebe’e akontese tiha ona iha fulan Outubro 2015. Treinamentu kona bá “Value
Chain” ne’e hetan apoio husi GIZ ne’ebé selu ema nain rua (2) expertu iha asuntu
“Value Chain”, Señor ida husi Alemaña Señora Dosente ida mai husi Indonesia.
Treinamentu kona bá “Valeu Chain” ne’e lao durante loron tolu (3) nia laran iha
salaun Madre nian, iha Dom Bosco – Comoro. Treinamentu refere destinadu bá Diretor
sira ou ema tékniku sira mas iha momentu ne’ebá akontese mos treinamentu barak iha
rai liur bá Diretor sira tamba ne’e mak Assessore sira mak bá partisipa.
Assessora Domingos Antunes husi GIZ mak halo
apresentasaun kona bá “BUSINESS INCOBATOR, Diretor no Assessor sira sujere relasiona
bá asuntu BUSINESS INCOBATOR katak: presija Informasaun klaru kona bá asuntu ne’e,
dokumentu legal hodi suporta asuntu ne’e, presija hatene planu klaru husi
Governo, tenki sosializa informasaun relasiona ho asuntu bá linã Ministerial,
tenki iha infomasaun klaru no kompletu bá Gabinete Planeamentu MCIA nian hodi
halo preparasaun diak kona bá planu implementasaun “BUSINESS INCOBATOR, tenki iha
tan diskusaun klean tuir mai kona bá asuntu refere.
Saida mak
“VALUE CHAIN” ou “CADEIA DE VALOR” ?
Konjuntu atividade neebé akontese iha Empreza ou
Organizasaun komesa husi Produsaun Produtu Primáriu, Transformasaun Produtu,
Komersializasaun Produtu até Konsumidor final, SIGNIFIKA: Kadeia de Valor
transforma Produtu husi Materia Prima to bá Produtu sira nebe’e bele fan iha Merkadu.
Hanesan mensiona tiha ona iha leten, Apresentasaun
refere hetan partisipasaun máximu husi Diretore, Assessor, no mos Xefe Departamentu
sira iha MCIA. Partisipantes hotu antuziazmu tebes ho tópiku no hakarak tebes atu
hatene liutan kona bá saída mak “VALUE CHAIN” no halo nusa mak bele inkorpora feramenta
ida ne’e iha planu no servisu Ministeriu nian. Durante diskusaun ambiente
kontroladu mezmu existe diferensa ideia no provoka tensaun ituan entre
partisipante sira no apresentador, mas ne’e mak ita dehan DEMOKRASIA. Parsipantes
hotu konkorda ona katak TENKI HALO DISKUSAUN KLEAN LIU TAN KONA BÁ “ VALUE
CHAIN no BUSINESS INCUBATOR” iha tempu badak.
No comments:
Post a Comment